விழியே பேசு...: அதிமுகவுடன் கருத்து வேறுபாடா? : தேமுதிக விளக்கம்

அ.தி.மு.க.வுடன் கருத்து வேறுபாடு எதுவும் இல்லை என்று தே.மு.தி.க. அவைத் தலைவர் பண்ருட்டி ராமச்சந்திரன் தெரிவித்தார்.

தேமுதிக அலுவலகம் முன் செய்தியாளர்களிடம் பேசிய அக்கட்சியின் அவைத் தலைவர் பண்ருட்டி ராமச்சந்திரன்,

அ.தி.மு.க.வுடன் நடந்த பேச்சுவார்த்தையின்போது இறுதி செய்யப்பட்ட பட்டியல்தான் இப்போது வெளியிடப்பட்டுள்ளது. நாங்கள் இணைந்து போட்டியிடுகிறோம். எங்களுக்குள் எந்தவிதமான கருத்து வேறுபாடுகளும் இல்லை.

எங்களுக்குள் குழப்பம் நிலவுவதாக சிலர் அவதூறு பிரசாரம் செய்தனர். இப்போது தொகுதிப் பட்டியல் வெளியிடப்பட்டிருப்பதன் மூலம் எங்களுக்குள் கருத்து வேறுபாடு இல்லை என்பதை தெளிவுப்படுத்தியுள்ளோம்.

அனைத்து கட்சிகளுமே அதிக தொகுதிகளில் போட்டியிட வேண்டும் என்று எதிர்பார்ப்பதில் தவறு இல்லை. சில தொகுதிகளை ஒதுக்கீடு செய்வது குறித்து பேச்சுவார்த்தையின் மூலம் தீர்வு கண்டுள்ளோம். அதன் அடிப்படையில்தான் அ.தி.மு.க. ஏற்கெனவே அறிவித்திருந்த விருகம்பாக்கம், ஆலந்தூர் உள்ளிட்ட சில தொகுதிகளை எங்களுக்காக விட்டுக் கொடுத்துள்ளது.

வேட்பாளர்கள் யார் என்று பார்த்து எங்கள் கட்சித் தொண்டர்கள் தேர்தல் வேலை பார்ப்பது இல்லை. கூட்டணிக் கட்சியினர் யார் நின்றாலும் அவர்களது வெற்றிக்காக பாடுபடுவார்கள். எங்கள் கூட்டணி பெரிய அளவில் வெற்றி பெற்று மாநிலத்தில் ஒரு நல்ல மாற்றத்தை உருவாக்குவோம். தேர்தலை புறக்கணிப்பதாக ம.தி.மு.க. அறிவித்துள்ளது குறித்து நாங்கள் கருத்து ஏதும் கூற விரும்பவில்லை என்றார்.

இன்றைய பதிவுகள்...