மே 1 மங்காத்தா படம் அல்ல !

மே 1ம் தேதி ரிலீஸ் என ஆரம்பிக்கப்பட்ட அஜீத் நடிக்கும் மங்காத்தா திரைப்படம் இறுதியில் மே-1ல் பாடல் வெளியிடலாம் என்ற முடிவுக்கு வந்திருக்கிறது.

அஜீத் பிறந்த நாளான மே 1ம் தேதி ரிலீஸ் என ஆரம்பிக்கப்பட திரைப்படம் மங்காத்தா. அஜீத் ஜோடியாக த்ரிஷா, அர்ஜூன், பிரேம்ஜி அமரன், லட்சுமிராய், அஞ்சலி உள்ளிட்டோர் நடிக்கும் இப்படத்தினை க்ளவுட் நைன் மூவிஸ் சார்பில் தயாநிதி அழகிரி தயாரித்து வருகிறார்.

யுவன் சங்கர் ராஜா இசையமைக்கிறார். படத்தின் இறுதிகட்ட படப்பிடிப்பு விறுவிறுப்பாக நடந்து வருகிறது. இந்நிலையில் மே 1ம் தேதி படத்தை வெளியிட முடியாத சூழ்நிலை உருவாகி உள்ளது. ஆகையால் படத்தை அத்தேதியில் வெளியிட முடியாவிட்டாலும் பாடல்களை வெளியிடலாம் என்கின்ற முடிவிற்கு வந்துருக்கிறது படக்குழு.

 பாடல்கள் காட்சிகளுக்காக வெளிநாடு சென்று வந்த பின் படத்திற்கான மீது வேலைகளை முடித்துவிட்டு,  ஜூன் மாதம் வெளியிடலாம் என்ற முனைப்புடன் பணியாற்றி வருகிறார்கள். மே 1ம்தேதி மங்காத்தா இசை வெளியீட்டு விழாவை பிரமாண்டமாக நடத்த முடிவு செய்திருக்கிறார்கள்.

மே 1ம் தேதி தல படத்தை பார்த்துவிடலாம் என்று இருந்த ரசிகனுக்கு தல பட பாடல்களை  கேட்கவாவது வழி செய்வோம் என்று  குஷிப்படுத்த எண்ணமோ?