வெள்ளிக்கிழமை முதல் விஜயகாந்த் பிரச்சாரம்

தேமுதிக தலைவர் விஜயகாந்த் நாளை (25.03.2011) செஞ்சியில் தனது தேர்தல் பிரசாரத்தை தொடங்குகிறார்.

ஏப்ரல் 11ம் தேதி வரை மொத்தம் 18 நாட்கள் அவர் பிரசாரம் மேற்கொள்கிறார். செஞ்சி, மேல்மலையனூர், நாட்டார்மங்கலம், திண்டிவனம், மதுராந்தகம் ஆகிய இடங்களில் அவர் நாளை பிரசாரம் செய்கிறார்.

தேர்தல் பிரசாரத்தின் இறுதிக்கட்டத்தில், ஏப்ரல் 9, 10, 11 ஆகிய தேதிகளில், தான் போட்டியிடும் ரிஷிவந்தியம் தொகுதியில் விஜயகாந்த் பிரசாரம் செய்கிறார்.

இதுபோல், விஜயகாந்தின் மனைவி பிரேமலதா விஜயகாந்த் நாளை (25.03.2011) முதல் 18 நாட்கள் தேர்தல் பிரசாரம் மேற்கொள்கிறார். பண்ருட்டி, விருதாசலம், திட்டக்குடி ஆகிய இடங்களில் அவர் பிரசாரம் செய்கிறார்.