சின்ன சின்ன சினிமா செய்திகள்:பாடல் வெளியீட்டில் த்ரிஷா டான்ஸ்

                                                                                                  

  ஒரு பாடலுக்கு விதார்த் டான்ஸ் 

சேனல் பைவ் புரொடக்ஷன்ஸ் சார்பில், மலேசிய மாறன் தயாரிக்கும் படம், ‘குருசாமி’. உதயதாரா, பிரேம்குமார், அலெக்ஸ் உட்பட பலர் நடிக்கின்றனர். படத்தை இயக்கும் கே.ஆர்.மணிமுத்து கூறியதாவது: அய்யப்பன் புகழ் பாடும் கதையை கொண்ட படம் இது. ‘அய்யப்பனே சாமி’ என்ற பாடல் காட்சியில்‘மைனா’ விதார்த் ஆடியுள்ளார். சாலிகிராமத்திலுள்ள அய்யப்பன் கோயிலில் அவரது காட்சிகள் படமானது. நானும், அவரும் நண்பர்கள். சில படங்களில் ஹீரோவாக நடிக்கும் அவர், எனது வேண்டுகோளுக்காக ஒரு பாடலுக்கு ஆடியுள்ளார். தவிர, ‘பாய்ஸ்’ மணிகண்டனுக்கும் முக்கிய கேரக்டர் இருக்கிறது.

செல்வமணியின் அகிலா

நீண்ட இடைவெளிக்குப் பிறகு ‘அகிலா’ என்ற படத்தை இயக்குகிறார் ஆர்.கே.செல்வமணி. இதில் ஆனந்தன் என்ற வழக்கறிஞ்சர் ஹீரோ. பெங்களூர் மாடல் ஹுதாசா ஹீரோயின். பஞ்சு அருணாசலம் பாடல்கள் எழுதுகிறார். ஆதித்யன் இசை. கணேஷ்ராம் ஒளிப்பதிவு. படம் பற்றி ஆர்.கே.செல்வமணி கூறியதாவது: அரசுக்கும், தீவிரவாதிகளுக்கும் இடையே நசுக்கப்படும் அப்பாவி மக்கள் பற்றிய கதை. எனது முந்தைய படங்கள் போன்று இதுவும் நிஜ சம்பங்களின் அடிப்படையிலானது. அந்த சம்பவம் எது என்பதை இப்போது சொல்ல இயலாது. முதல் கட்டமாக சென்னையில் நாளை (இன்று) படப்பிடிப்பு தொடங்குகிறது. இரண்டாவது கட்ட படப்பிடிப்புகள் மேற்கு வங்கம், உத்ராஞ்சல், ஜார்கண்ட் பகுதிகளில் நடக்கிறது.

மனதுக்கு பிடித்தவரை தேடுகிறார் சமீரா

‘காதலுக்கு நான் எதிரி இல்லை. என் மனதுக்குப் பிடித்தவரை தேடிக் கொண்டிருக்கிறேன்’ என்றார் சமீரா ரெட்டி. இதுபற்றி அவர் கூறியதாவது: ‘நடுநிசி நாய்கள்’ படத்தின் புரமோஷன், பிரபுதேவா பட ஷூட்டிங், கோழிகோடில் நடந்த கலைநிகழ்ச்சி என்று தொடர்ந்து ஓடிக்கொண்டிருந்ததால் உடல் நலம் சரியில்லாமல் போனது. இப்போது குணமாகிவிட்டேன். தமிழில் லிங்குசாமி இயக்கும் படத்தில் நடித்துவருகிறேன். இதனுடன் விஷால் நடிக்கும் படம், பிரியதர்ஷன் இயக்கும் இந்திபடம், கவுதம் மேனம் இயக்கும் படம் என இந்த வருடம் முழுவதும் பிசியாக இருக்கிறேன். யாரையும் காதலிக்கிறீர்களா? என்கிறார்கள். காதலுக்கு நான் எதிரி இல்லை. இவ்வளவு பிசியாக இருக்கும்போது நான் யாரை போய் காதலிப்பது? இருந்தாலும் என மனதுக்குப் பிடித்தவரை தேடிக்கொண்டுதான் இருக்கிறேன். இவ்வாறு சமீரா ரெட்டி கூறினார்.

பாடல் வெளியீட்டில் த்ரிஷா டான்ஸ் ஆடினார்

தெலுங்கு பட பாடல் வெளியீட்டு விழாவில், மேடையில் டான்ஸ் ஆடினார் த்ரிஷா. பவன் கல்யாண், த்ரிஷா நடித்துள்ள தெலுங்கு படம் ‘தீன்மார்’. இதன் பாடல் வெளியீட்டு விழா ஐதராபாத்தில் உள்ள ஷிபா கலா வேதிகா அரங்கில் நடந்தது. மேடை நிகழ்ச்சிகள் எதிலும் கலந்துகொள்ளாத த்ரிஷா, இந்த விழாவில் டான்ஸ் ஆட சம்மதித்து. ஏற்கனவே ‘ஷக்தி’ என்ற படத்தின் பாடல் வெளியீட்டு விழாவில் ஜூனியர் என்டிஆருடன் இலியானா மேடையில் டான்ஸ் ஆடினார். இதையடுத்து போட்டியை சமாளிக்க த்ரிஷாவும் டான்ஸுக்கு சம்மதித்ததாக தெலுங்கு பட வட்டாரங்கள் தெரிவித்துள்ளன.