அலட்டலால் வாய்ப்பை பறிகொடுத்த சிம்பு நண்பர்!

நடிகர் முரளியின் மகன் அதர்வாவுடன் நடிகை அமலா பால் ஜோடி சேர்ந்துள்ள முப்பொழுதும் உன் கற்பனைகள் படத்தின் முதல் கட்ட சூட்டிங் பெங்களூருவில் நடந்து முடிந்துள்ள நிலையில் அப்படத்தின் டைரக்ரட் கணேஷ்க்கு நெருக்கடி ஏற்பட்டுள்ளது. சிலபல படங்களுக்கு ஸ்டில் போட்டோகிராபராக பணியாற்றிய கணேஷ், சிம்புவின் நண்பராகி, அவருக்கு எல்லாமுமாகி, சிம்புவின் படத்தில் இயக்குனராகவும் சேர்ந்தார்.

விண்ணை தாண்டி வருவாயா பட சூட்டிங்கின்போது, அப்படத்தின் தயாரிப்பாளரிடம் ஒரு கதையை சொல்லி தனக்கு வாய்ப்பையும் தேடிக் கொண்ட கணேஷ், முப்பொழுதும் உன் கற்பனைகள் பட சூட்டிங்கில் யூனிட்டையே பாடாய் படுத்தியெடுத்தி விட்டாராம். இதனால் குமுறிய ‌தொழில்நுட்ப கலைஞர்கள் மற்றும் நட்சத்திரங்கள் தயாரிப்பாளரிடம் புகார் தெரிவித்தபடி இருந்தனர். இதனால் இப்போது ஒரு முடிவுக்கு வந்திருக்கிறாராம் தயாரிப்பாளர். அதாகப்பட்டது, டைரக்டர் கணேஷின் அலும்பலை பொறுத்து பொறுத்து பார்த்த தயாரிப்பு வட்டாரம் டைரக்‌டரையே மாற்றிவிடும் முடிவுக்கு வந்துள்ளதாம்.