Sunday, November 23, 2014

கமல் ரசிகர்களுக்காக தனி யூடியூப் சேனல்....

கமல் ஹாஸன் ரசிகர்களுக்கு என்று பிரத்யேகமாக யூடியூப் சேனல் துவங்கப்பட்டுள்ளது.

அதன் பெயர் உலகநாயகன் டியூப். உலக நாயகன் கமல் ஹாஸன் ரசிகர்களுக்கு என்று பிரத்யேக யுடியூப் சேனல் துவங்கப்பட்டுள்ளது. அதற்கு உலகநாயகன் டியூப் என்று பெயரிடப்பட்டுள்ளது.

 இந்த உலகநாயகன் டியூப் அண்மையில் துவங்கப்பட்டது. அதை இதுவரை 50 ஆயிரம் பேர் பார்த்துள்ளனர். மேலும் 2 ஆயிரம் பேர் சப்ஸ்கிரைப் செய்துள்ளனர். இந்த யூடியூப் சேனலை வாய் மொழி குழு நிர்வகித்து வருகிறது.

முதல் நிகழ்ச்சியாக எழுத்தாளரும், இயக்குனருமான ஆர்.சி. சக்தி மற்றும் இசையமைப்பாளர் கிப்ரான் ஆகியோர் கமலுடன் பங்கேற்ற கேள்வி, பதில் நிகழ்ச்சி வெளியிடப்பட்டது.

அடுத்த வாரம் நடிகர் நாஸரை கமலிடம் கேள்விகள் கேட்க வைக்க திட்டமிடப்பட்டுள்ளது. இது குறித்து வாய் மொழி குழு உறுப்பினர் ஒருவர் கூறுகையில், இது கமல் சாரின் ஐடியா. இந்த சேனல் மூலம் அவர் தனது படங்கள் பற்றிய தகவல்களை பகிர்ந்து கொள்ள விரும்புகிறார்.

மேலும் அவர் தனது கட்டுரைகள், கவிதைகளை ரசிகர்களுடன் பகிர்ந்து கொள்வார். எதிர்காலம் டிஜிட்டல் மயம் என்பதால் ரசிகர்களுடன் தொடர்பில் இருக்க இது தான் சரியான வழி என்று கமல் நினைக்கிறார் என்றார்.





No comments:

Post a Comment