விழியே பேசு...: விஜயகாந்திற்கு தோற்கடிக்க நட்சத்திரபேச்சாளர்களை களமிறக்க திட்டம்?

Sunday, March 27, 2011

விஜயகாந்திற்கு தோற்கடிக்க நட்சத்திரபேச்சாளர்களை களமிறக்க திட்டம்?

ரிஷிவந்தியம் தொகுதியில் போட்டியிடும் காங்., வேட்பாளர் சிவராஜிற்கு ஆதரவாக பிரசாரம் செய்ய நட்சத்திர பேச்சாளர்களை களமிறக்க காங்கிரஸ் திட்டமிட்டுள்ளது. விழுப்புரம் மாவட்டம் ரிஷிவந்தியம் தொகுதியில் ஏற்கனவே நான்கு முறை வெற்றி பெற்ற காங்., எம்.எல்.ஏ., சிவராஜிக்கு எதிராக, தே.மு.தி.க., தலைவர் விஜயகாந்த் களத்தில் உள்ளார்.இத்தொகுதியில் தே.மு. தி.க.,விற்கு ஏற்கனவே பெரிய ஓட்டு வங்கி உள் ளது. அக்கட்சித் தலைவர் விஜயகாந்த் நேரடியாக களமிறங்குவதால், காங்., வேட்பாளர் சிவராஜ் கடும் சவால்களை சந்திக்க வேண்டியுள்ளது.

தி.மு.க.,வை அனைத்து இடங்களிலும் விஜயகாந்த் விமர்சனம் செய்து வருகிறார். இதனால் அவரை கண்டிப்பாக தோற்கடிக்க வேண்டும் என்று, தி.மு.க., மற்றும் கூட்டணிக் கட்சிகளிடையே தீவிர ஆலோசனை நடந்து வருகிறது.ரிஷிவந்தியம் தொகுதியில் தேர்தல் பிரசாரத்தில் பங்கேற்ற, விஜயகாந்தை பார்க்க அதிக கூட்டம் கூடியது. இதற்கு போட்டியாக ஒரு நடிகரை தேர்தல் பிரசாரத்தில் பயன்படுத்த காங்., திட்டமிட்டுள்ளது.

ஆந்திர மாநிலத்தைச் சேர்ந்த நடிகர் சிரஞ்சீவி தமிழகத்தில் நான்கு தினங்கள் தேர்தல் பிரசாரம் செய்யப் போவதாக அறிவித்துள் ளார். சில மாதங்களுக்கு முன், நடிகர் எஸ்.வி.சேகர் காங்., கட்சியில் இணைந்தார். இவர்களில் ஒருவரை பிரசாரத்திற்கு அழைக்க வேண்டும் என்பது காங்., தொண்டர்களின் எண்ணம்.தி.மு.க., தரப்பில் துணை முதல்வர் ஸ்டாலின், மத்திய அமைச்சர் அழகிரி உட்பட பல முக்கிய பிரபலங்கள் இங்கு பிரசாரம் செய்ய உள்ளனர். வரும் 10, 11ம் தேதிகளில் விழுப்புரம் மாவட்டம் வரும் நடிகர் வடிவேலுவையும் இந்த தொகுதியில் தீவிர பிரசாரம் செய்ய வைக்க திட்டமிடப்பட்டுள்ளது.

இன்றைய பதிவுகள்...