விழியே பேசு...: மதுரை கலெக்டர் சகாயத்திற்கு பாதுகாப்பு வேண்டும்: கிராம மக்கள் கோரிக்கை

மதுரை கலெக்டர் சகாயத்திற்கு ஆதரவாக புதுக்கோட்டை மாவட்டம் பெருஞ்சுனை கிராமத்தில் உள்ள பொதுமக்கள் ஆர்ப்பாட்டம் நடத்த அனுமதி கொடுக்கப்பட்டு, மறுக்கப்பட்டதால் பத்திரிகையாளர்களை சந்தித்து முறையிட்டு சென்றுள்ளனர்.

பெருஞ்சுனை கிராமத்தில் உள்ள பொதுமக்கள் மற்றும் லஞ்சம் ஊழக்கு எதிரான அமைப்பினர் சார்பில் புதுக்கோட்டை பாவாணன் செய்தியாளர்களிடம் கூறியதாவது,

மதுரை மாவட்ட ஆட்சித் தலைவர் சகாயத்தை திமுக அரசியல் புள்ளிகள் தொடர்ந்து மிரட்டி வருகின்றனர். நேர்மையான அதிகாரிக்கு பாதுகாப்பு இல்லை. அவரை பணி செய்யவிடாமல் தடுத்து, அவருடைய பெயருக்கு களங்கம் ஏற்படுத்தி வருகின்றனர். தொடர்ந்து அவருக்கு அச்சுறுத்தலும் கொடுக்கப்பட்டு வருகிறது.

இதனால் இவருக்கு பாதுகாப்பு இல்லாத சூழ்நிலை உருவாகி உள்ளது. ஆகவே தேர்தல் ஆணையமும், அரசும் நேர்மையான மாவட்ட ஆட்சியர் சகாயத்தின் நற்பெயருக்கு களங்கம் ஏற்படுத்துவோர் மீது நடவடிக்கை எடுத்து, அவரது உயிருக்கு பாதுகாப்பு வழங்க வேண்டும் என்று கூறினார்.

மேலும் பேசிய அவர், இதற்காக நாங்கள் நடத்த இருந்த ஆர்ப்பாட்டத்தை திடீரென காவல்துறை ரத்து செய்திருப்பது எங்களுக்கு வேதனை அளிக்கிறது என்றார்

இன்றைய செய்திகள் ...