விழியே பேசு...: எல்கேஜி படிக்கும் விஜயகாந்த்: வடிவேலு

Friday, April 8, 2011

அரசியலில் எல்கேஜி படிக்கும் விஜயகாந்திற்கு கலைஞரை விமர்சிக்கும் தகுதியில்லை என, வடிவேலு பேசினார்.

கந்தவர்கோட்டை பகுதியில் திமுக வேட்பாளரை ஆதரித்து வடிவேலு பிரச்சாரம் மேற்கொண்டார். அப்போது பேசிய வடிவேலு,

ஏழை வீட்டு பசங்க, பக்கத்து வீட்டில் போய் டிவி பார்க்கும். அந்த ஏக்கத்தை போக்கியவர் கலைஞர். எங்க வீட்டில் டிவி இருக்கு. எங்க வீட்டில் டிவி இருக்கு என்று அந்த பசங்க சொல்லும் போது, அங்கேதான் ஏழையின் சிரிப்பை பார்த்தேன். கூரை வீட்டை மாற்றி கான்கிரீட் வீடு கட்ட 75 ஆயிரம் ரூபாய் கொடுத்தார். அதை மாற்றி ஒரு லட்ச ரூபாய் கொடுக்கப்படும் என வாக்குறுதி, மாணவர்களுக்கு லேப் டாப். அதுதான் டாப். இதேபோல சொல்லி கொண்டே போகலாம். ஓட்டுரிமை இல்லாத தாயின் வயிற்றில் இருக்கும் சிசுவுக்கு மாதம் ஆயிரம் ரூபாய் வழங்கும் திட்டம். அந்த சிசு கலைஞருக்கு நன்றி தெரிவிக்கிறது என்றார்.

ரயில் தண்டவாளத்தில் தலை வைத்து போராட்டம் நடத்திய கலைஞருக்காக எம்ஜிஆர் திரைப்படத்தில் பாடிய பாடலை பாடினார். மேலும் பேசிய வடிவேலு, ஏழை மக்களுக்கு பல்வேறு திட்டங்களை செயல்படுத்திய கலைஞரை, ஒரு ஆளு ஒழிக்க போகிறேன் என்கிறான். அதுதான் கருப்பு எம்ஜிஆர் என்று சொல்லி திரியும் பீஸ். கலைஞரை ஒழிக்காமல் விடமாட்டேன் என்கிறது அந்த பீஸ்.

அரசியலைப் பற்றி. உனக்கு என்ன தெரியும். நீ அரசியலில் எல் போர்டு. எல்கேஜி. ஆனால் கலைஞர் பல காலேஜ். இவ்வாறு வடிவேலு பேசினார்.

இன்றைய செய்திகள் ...