புரட்சி படையின் இத்தகைய அபரீதமான முன்னேற்றத்துக்கு அமெரிக்காவின் மறைமுக உதவிதான் காரணம் என கூறப்படுகிறது. அவர்களுக்கு அமெரிக்காவின் சி.ஐ.ஏ. உள்ளிட்ட பல்வேறு உளவு நிறுவனங்கள் உதவும்படி அதிபர் ஒபாமா ரகசிய உத்தரவு பிறப்பித்து இருப்பதாக தகவல் தெரிவிக்கின்றன.
இவை தவிர அமெரிக்காவும் அதன் நட்பு நாடுகளும், ஐரோப்பிய யூனியன் நாடுகளும் புரட்சி படைக்கு நவீன ஆயுதங்களை வழங்கி வருகின்றன. அதனால்தான் சிரியா ராணுவத்துடன் புரட்சி படை சரிசமமாக போரிட்டு வருவதாக அந்நாட்டு அதிபர் ஆசாத் ஏற்கனவே குற்றம் சாட்டியிருந்தார்.
இவை அனைத்தையும் கருத்தில் கொண்டு தான் புரட்சி படைக்கு அமெரிக்கா ரகசிய உதவி செய்வதாக கூறப்படுகிறது. இது சிரியா அதிபர் ஆசாத்துக்கு பெரும் சிக்கலையும், பின்னடைவையும் ஏற்படுத்தியுள்ளது. இதற்கிடையே சிரியாவில் போரினால் பாதிக்கப்பட்டுள்ள மக்களுக்கு அமெரிக்கா ரூ. 400 கோடி நிதி உதவி வழங்கியுள்ளது. அதிபர் ஆசாத் பதவி விலகும்படி அமெரிக்கா உள்ளிட்ட நாடுகள் விடுத்த கோரிக்கையை அவர் ஏற்க வில்லை.
மேலும் தன் சொந்த மக்களை கொன்று குவிக்கும் சிரியாவுக்கு பொருளாதார தடை விதிக்கும் ஐ.நா. சபையின் தீர்மானம் தோற் கடிக்கப்பட்டு விட்டது. உணவு, தண்ணீர், மருந்துகள், துணிமணிகள் மற்றும் குழந்தைகளுக்கான உதவி அளிக்கப்பட்டு வருகிறது. தற்போது மேலும் கூடுதலாக ரூ. 700 கோடி ஒதுக்கி அதிபர் ஒபாமா உத்தரவிட்டுள்ளார்.
இதற்கிடையே சிரியாவில் அமைதி ஏற்படுத்த ஐ.நா. சிறப்பு தூதராக கோபிஅனன் நியமிக்கப்பட்டிருந்தார். அவர் 6 அம்ச சமரச திட்டத்துடன் சிரியா சென்று அதிபர் ஆசாத்தை சந்தித்து பேச்சுவார்த்தை நடத்தினார். போர் நிறுத்த ஒப்பந்தத்தை மீறி ராணுவம் தாக்குதல் நடத்தி பொதுமக்களை தொடர்ந்து கொன்று குவித்து வருகிறார். அதை அவரால் கட்டுப்படுத்த முடியவில்லை. எனவே இப்பதவியில் இருந்து கோபிஅனன் ராஜினாமா செய்தார். இந்த தகவலை நேற்று அவர் அறிவித்தார்.
No comments:
Post a Comment