Thursday, August 30, 2012

ஒருநாள் போட்டியிலும் முதலிடம் பிடித்து தென்னாப்பிரிக்கா சாதனை


தென்னாப்பிரிக்க கிரிக்கெட் அணி, இங்கிலாந்தில் சுற்றுப்பயணம் செய்து விளையாடி வருகிறது. இரு அணிகள் இடையிலான 5 ஆட்டங்கள் கொண்ட ஒருநாள் போட்டி தொடரில் முதல் ஆட்டம் மழையால் ரத்தானது. இரண்டாவது ஒருநாள் போட்டியில் தென்னாப்பிரிக்க அணி 80 ரன் வித்தியாசத்தில் அபார வெற்றி பெற்றது. இந்த வெற்றியின் மூலம் தென் ஆப்பிரிக்க அணி ஒருநாள் போட்டி தொடரில் 1-0 என்ற கணக்கில் முன்னிலை பெற்றுள்ளது.
 
இங்கிலாந்துக்கு எதிரான 2-வது ஒருநாள் போட்டியில் வெற்றி கண்டதன் மூலம் தென்னாப்பிரிக்க அணி (124 புள்ளிகள்) ஒருநாள் போட்டியிலும் உலக தர வரிசையில் நம்பர் 1 இடத்தை பிடித்தது. 2-வது இடத்தில் இந்திய அணி (120 புள்ளிகள்) உள்ளது. தென்னாப்பிரிக்க அணி ஏற்கனவே டெஸ்ட் மற்றும் 20 ஓவர் போட்டிகளிலும் நம்பர்-1 இடத்தில் உள்ளது. இதன் மூலம் 3 வகையான (டெஸ்ட், ஒருநாள், 20 ஓவர்) போட்டிகளிலும் முதலிடம் பிடித்த முதல் அணி என்ற பெருமையை தென்னாப்பிரிக்கா பெற்றிருக்கிறது.
 
இந்நிலையில் தென்னாப்பிரிக்கா-இங்கிலாந்து அணிகளுக்கிடையேயான 3-வது ஒருநாள் போட்டி நாளை நடக்கிறது.  


No comments:

Post a Comment