சீன மாஸ்டர்ஸ் சூப்பர் சீரிஸ் பேட்மிண்டன் போட்டிகள் சாங்சோவ் நகரில் நடைபெற்று வருகின்றன. இதில் இந்தியாவின் முன்னணி வீராங்கனை சாய்னா நேவால் பங்கேற்கவில்லை. இளம் வீராங்கனை பி.வி.சிந்து இப்போட்டியில் பங்கேற்று சிறப்பான ஆட்டத்தை வெளிப்படுத்தி வருகிறார்.
இன்று நடந்த மகளிர் ஒற்றையர் காலிறுதிப் போட்டியில் உலகத் தரவரிசையில் 24-ம் இடத்தில் உள்ள பி.வி.சிந்து, லண்டன் ஒலிம்பிக் போட்டியில் தங்கம் வென்ற சீன வீராங்கனை லீ சுவேருயி என்பவரை எதிர்கொண்டார்.
பரபரப்பான இப்போட்டியில் சிந்து, 21-19, 9-21, 21-16 என்ற செட்கணக்கில் வெற்றி பெற்று அரையிறுதிக்கு முன்னேறினார். அவரது வாழ்நாளில் மிகச்சிறந்த வெற்றி இதுவாகும்.
No comments:
Post a Comment