சகுனியாக மாறிய கார்த்தி

"சிறுத்தை" படத்தின் வெற்றியை தொடர்ந்து கார்த்தி அடுத்து நடிக்கும் புதிய படத்திற்கு "சகுனி" என்று பெயரிடப்பட்டுள்ளது. இப்படத்தை புதுமுக இயக்குநர் சங்கர் தயாள் டைரக்ட் செய்கிறார்.

"பருத்திவீரன்" படத்தின் மூலம் அறிமுகமான கார்த்தி, தொடர்ந்து ஹிட் படங்களாக கொடுத்து முன்னணி ஹீரோவாக ‌ஜொலிக்கத் தொடங்கியுள்ளார். சில தினங்களுக்கு முன்னர்தான் கார்த்தி, புதுடைரக்டர் ஷங்கர் தயாள் இயக்கத்தில் ஒரு படம் பண்ணப்போவதாக செய்திகள் வந்தது. இப்போது அது உறுதி செய்யப்பட்டுள்ளது. கார்த்தி நடிக்கும் இப்படத்திற்கு "சகுனி" என்று பெயரிட்டுள்ளனர். டிரீம் வாரியர் பிக்சர்ஸ் தயாரிக்க, கதை, திரைக்கதை வசனம் எழுதி இயக்குகிறார் ஷங்கர் தயாள். இவர் டைரக்டர் எழிலிடம் உதவி இயக்குநராக பணிபுரிந்தவர். ஜி.வி.பிரகாஷ் இசையமைக்க, பி.ஜி.முத்தையா ஒளிப்பதிவு செய்கிறார். கலையை ராஜீவன் மேற்கொள்ள ஆண்டனி எடிட்டிங் செய்கிறார். படத்தின் பெயரே சகுனி என்று வித்யாசமாக அமைந்திருக்கும் இந்தபடமும், கார்த்திக்கு நிச்சயம் ஹிட் படமாக அமையும். இம்மாதம் முதல் படப்படிப்பு துவங்குகிறது.