உலக கோப்பை கிரிக்கெட் ரஜினி குடும்பத்தோடு கண்டுகளிப்பு

குடும்பத்தோடு மும்பைக்கு கிளம்பியிருக்கிறார் ரஜினி. இந்த 'ட்ரிப்' முழுக்க முழுக்க கிரிக்கெட்டுக்காக மட்டுமே! உலக கோப்பை கிரிக்கெட் மட்டுமல்ல, இந்தியா ஆடுகிற எல்லா மேட்சுகளையும் ஆர்வத்தோடு பார்க்கிற வழக்கம் ரஜினிக்கு உண்டு. அப்பாவை போலவே மகள்களும் கிரிக்கெட் ஆட்டத்தை வெறியோடு ரசிப்பார்களாம். கடந்த முறை சண்டிகரில் நடந்த ஆட்டத்துக்கு கணவர் தனுஷ§டன் சென்றிருந்தார் ஐஸ்வர்யா. இந்த முறை தனுஷ் மட்டும் செல்லவில்லையாம். மற்றபடி சவுந்தர்யாவும், ரஜினியின் புது மாப்பிள்ளையும் கூட இந்த ட்ரிப்பில் உண்டு.

மேட்ச் மும்பையில் நடப்பதால் அமிதாப், ஐஸ்வர்யா ராய், சல்மான் கான் உள்ளிட்ட பல்வேறு பாலிவுட் நட்சத்திரங்கள் அரங்கத்திற்குள் இருப்பார்கள். அவர்களுடன் ரஜினியும் சங்கமிக்கக் கூடும். ரஜினியின் கிரிக்கெட் ஆர்வம் இப்படியென்றால், கமல்ஹாசன் எப்படி என்ற கேள்வியும் ரசிகர்களுக்கு எழும் அல்லவா?

கடந்த சில வாரங்களுக்கு முன் மும்பை சென்றிருந்தார் கமல். அவரிடம் கிரிக்கெட் பற்றி நிருபர்கள் கேள்வி எழுப்பினார்கள். எனக்கு கிரிக்கெட் பிடிக்கும். ஆனால், இந்த ஆட்டத்துக்கு கொடுக்கிற முக்கியத்துவத்தை மற்ற மேட்சுகளுக்கும் கொடுக்கணும் என்று கூறியிருக்கிறார் அவர்.