நயன்தாராவும், பிரபு தேவாவும் காதலில் முறிவு ஏற்பட்டு பிரிந்துள்ளனர். இருவரும் நெருக்கமாக இருந்தபோது பிரபு தேவாவின் பெயரை நயன்தாரா கையில் பச்சை குத்தி இருந்தார். இப்போது அந்த பெயரை அழிக்க முயற்சி செய்து வருவதாகவும் அறுவை சிகிச்சை செய்து அழிப்பதற்காக பாங்காக் சென்று வந்ததாகவும் செய்தி வெளியானது.
பாங்காக்கில் இருந்து திரும்பிய அவரை மீனம் பாக்கம் விமான நிலையத்தில் அதிகாரிகள் தடுத்து நிறுத்தி 40 நிமிடம் சோதனை செய்ததாகவும் கூறப்படுகிறது.
இதற்கு நயன்தாரா மறுப்பு தெரிவித்துள்ளார். இதுகுறித்து அவர் அளித்த பேட்டி வருமாறு:-
என்னைப் பற்றி தேவையற்ற வதந்திகள் வெளியாகியுள்ளன. எனக்கு வேண்டாதவர்கள் இதை பரப்பி இருக்கிறார்கள். இவற்றுக்கு பதில் சொல்ல வேண்டிய அவசியம் இல்லை.
இந்த வதந்திகளால் நான் வருத்தப்படவும் இல்லை. இது போன்று யுகத்தில் வெளியாகும் செய்திகள் கோபத்தை ஏற்படுத்துகின்றன. என்னை தொழில் ரீதியாக பார்க்க வேண்டும் தவிர சொந்த வாழ்க்கையை வைத்து பார்க்க கூடாது.
என் கையில் குத்தி இருந்த பச்சையை அழிக்க வேண்டுமானால் நான் ஏன் பாங்காக் போக வேண்டும். அதை இந்தியாவிலேயே எளிதாக அழித்து விட முடியும். உண்மையை விசாரித்து அறியாமல் என்னை பற்றி தேவையில்லாமல் வதந்தி பரப்புகிறார்கள். நான் பச்சை குத்தி இருந்ததை அழித்து இருக்கிறேனா என்று நேரில் வந்து பார்க்கலாம். விமான நிலையத்தில் பயணிகள் சோதனையிடப்படுவது வழக்கமான நடைமுறைதான்.
இவ்வாறு நயன்தாரா கூறினார்.
No comments:
Post a Comment