முரண்பாடான கொள்கைகளில் ஒட்டு மொத்த வடிவமாக அதிமுக கூட்டணி உள்ளது. ஆகையால் அதிமுக கூட்டணிக்கு வாக்களிக்க கூடாது என, பாஜக மூத்த தலைவர் இல.கணேசன் கூறியுள்ளார்.

தஞ்சையில் செய்தியாளர்களிடம் பேசிய அவர்,

தர்மபுரி வேட்பாளரை விஜயகாந்த் தாக்கியது கண்டிக்கத்தக்கது. கட்சியின் தலைவராக இருக்கும் விஜயகாந்த் பொதுஇடங்களில் கண்ணியமாக நடந்து கொள்ள வேண்டும். அதிமுக கூட்டணியில் ஆத்மார்த்தமான உணர்வும் உறவும் அமையவில்லை.

விழுப்புரம் மாவட்டத்தில் உள்ள ரிஷிவந்தியம் தொகுதியில் விஜயகாந்த் போட்டியிடுகிறார். விழுப்புரம் மாவட்டத்தில் பிரச்சாரம் செய்த ஜெயலலலிதா ஒரு முறை கூட விஜயகாந்த் பெயரை சொல்லி வாக்கு சேகரிக்கவில்லை. முரண்பாடான கொள்கைகளில் ஒட்டு மொத்த வடிவமாக அதிமுக கூட்டணி உள்ளது. ஆகையால் அதிமுக கூட்டணிக்கு வாக்களிக்க கூடாது.

சட்டசபை தேர்தலில் சில இடங்களில் பாஜக வெற்றி பெற்றாலும், பல தொகுதிகளில் வெற்றி பெறும் வேட்பாளர்களின் தோல்விக்கு காரணமாக இருக்கும் என்றார்.