சட்டசபைத் தேர்தலில் அதிமுக கூட்டணிக்கு 105 இடங்களும், திமுக கூட்டணிக்கு 70 இடங்களும் கிடைக்கும். அதேசமயம் 59 தொகுதிகளில் யாருக்கு வெற்றி என்பது பெரும் இழுபறியாக உள்ளதாக லயோலா கல்லூரி நடத்திய கருத்துக் கணிப்பில் தெரிவிக்கப்பட்டுள்ளது.

இதுதொடர்பாக லயோலா கல்லூரியின் ஊடகவியல்துறை வெளியிட்டுள்ள கருத்துக் கணிப்பில் கூறப்பட்டுள்ளதாவது...

அதிமுக அணிக்கு வருகிற சட்டசபைத் தேர்தலில் 48.6 சதவீத வாக்குகள் கிடைக்கலாம். திமுக கூட்டணிக்கு 41 சதவீத வாக்குகள் கிடைக்கலாம்.

இதன் அடிப்படையில் பார்த்தால் அதிமுக கூட்டணிக்கு 105 இடங்கள் வரை கிடைக்கும். திமுக கூட்டணிக்கு 70 இடங்கள் வரை கிடைக்கும்.

அதேசமயம், 59 தொகுதிகளில் யாருக்கு வெற்றி கிடைக்கும் என்பதைக் கணிக்க முடியாத அளவுக்கு பெரும் இழுபறி காணப்படுகிறது என்று அதில் தெரிவிக்கப்பட்டுள்ளது.