நயனுக்கு ட்ரிபிள் பெட்ரூம் பிளாட் பரிசு!!

தனது காதலி நயன்தாராவுக்கு சென்னையில் ட்ரிபிள் பெட்ரூம் பிளாட்டை காதல் பரிசாக கொடுத்து அசத்தியிருக்கிறார் நடிகர் பிரபுதேவா. சிம்புவுடன் ஏற்பட்ட காதல் முறிவுக்கு பிறகு சோகமயமாக நகர்ந்து கொண்டிருந்த நயன்தாராவின் மனதில் சோலைமயமாக குடியேறியவர் நடிகர் பிரபுதேவா. ஆறுதல் சொல்வதில் ஆரம்பித்த நட்பு, கள்ளக்காதலாக மாறியது. மனைவி ரமலத்துக்கு தெரியாமல் நயன்தாராவுடன் ஊர் சுற்றத் தொடங்கினார் பிரபுதேவா. இருவரும் பொது நிகழ்ச்சிகளுக்கு ஜோடியாக வருவது, ஹோட்டலில் ரூம் போட்டு தங்குவது என வளர்ந்து வந்த இந்த கள்ளக்காதல் பற்றி கேள்விப்பட்ட ரமலத், கடும் எதிர்ப்பு ‌தெரிவித்ததுடன் காதல் கணவரை நயன்தாராவிடம் இருந்து மீட்டுத் தரும்படி கேட்டு கோர்ட் படியேறினார்.

இதனால் கடுப்பான பிரபுதேவா ரமலத்தை விவாகரத்து செய்வதாக தெரிவித்தார். ஆனால் விவாகரத்துக்கு மறுப்பு தெரிவித்த ரமலத், பின்னர் நடந்த திரைமறைவு ரகசிய பேச்சுவார்த்தையில் ரமலத் பேசிய பேரம் படிந்ததால் விவாகரத்துக்கு சம்மதித்தார். இந்த விவாகரத்து சமாச்சாரம் முடிவுக்கு வந்ததும் நயன்தாராவை கரம்பிடிக்க திட்டமிட்டிருக்கிறார் பிரபுதேவா. திருமணத்துக்கு பிறகு சினிமாவில் நடிக்க வேண்டாம் என்று பிரபுதேவா கூறிவிட்டதாலோ என்னவோ, நயன்தாரா புதிய படங்கள் எதிலும் ஒப்பந்தமாகவில்லை. காவலன் படத்தின் தெலுங்கு ரீ-மேக்கில் நடிக்க ஒன்றரை கோடி சம்பளம் பேசியும் நடிக்க மறுத்து விட்டார்.

இதுஒருபுறமிருக்க... இன்னொருபுறம் இந்த ஜோடியின் காதல் நாளுக்கு நாள் வலுத்துக் கொண்டேதான் இருக்கிறதாம். திருமணத்துக்கு பிறகு லண்டனில் செட்டிலாக திட்டமிட்டிருக்கும் நயன்தாராவுக்கு, சென்னை அண்ணா நகரில் ஆர்யா வீட்டுக்கு அருகே லேட்டஸ்ட்டாக ஒரு ட்ரிபிள் பெட்ரூம் பிளாட்டை வாங்கியிருக்கும் பிரபுதேவா, அதை காதலி நயன்தாராவுக்கு காதல் பரிசாக கொடுத்து அசத்தியிருக்கிறாராம்.