சிங்கம் படத்தை அடுத்து சூர்யா நடித்து வரும் படம் ஏழாம் அறிவு. நாயகியாக ஸ்ருதிஹாசன் நடித்து வருகிறார். ஹாரிஸ் ஜெயராஜ் இசையமைக்க, ஏ.ஆர்.முருகதாஸ் இயக்கி வருகிறார்.
படப்பிடிப்பு சென்னையில் தொடங்கி பல்வேறு இடங்களில் நடைபெற்று வருகிறது. 2011 கோடை விடுமுறையில் வெளியிட வேண்டும் என்று ஆரம்பிக்கப்பட்ட இத்திரைப்படம் இப்பொழுது மிகவும் தாமதாகும் என்று தெரிகிறது.
படத்தின் இறுதிகட்ட படப்பிடிப்பு சென்னையை சுற்றி உள்ள பகுதிகளில் வெகு வேகமாக நடைபெற்று வருகிறது. இதற்குப் பிறகு தான் படத்தின் முக்கியமான கிராபிக்ஸ் வேலைகளை கவனிக்க இருக்கிறாராம் ஏ.ஆர்.முருகதாஸ்.
இந்நிலையில் படத்தை மெருக்கேற்றும் விதமாக ஒரு சீன பாடல் வேறு இடம் பெற இருக்கிறாதாம். அதனை முன்னணி சீன பாடகர் ஒருவரை பாட வைக்கப் போவதாக பேச்சு நிலவுகிறது கோடம்பாக்கத்தில்.
இப்படத்தின் இசையமைப்பாளர் ஹாரிஸ் ஜெயராஜ் தனது டிவிட்டர் இணையத்தில் " ஏழாம் அறிவு படத்தின் பாடல்கள் ஜுன் மாதத்திலும், நண்பன் படத்தின் பாடல்கள் செப்டம்பர் மாதத்திலும் வெளிவரும்" என்று தெரிவித்துள்ளார். வழக்கமாக பாடல்கள் வெளியாகி ஒரு மாதம் கழித்து தான் திரைப்படம் வெளியாகும். ஏழாம் அறிவு எப்போது வெள்ளித்திரையைத் தொடும்..?
No comments:
Post a Comment