ஐஸ்வர்யா ராய்க்கு ஏற்ற ஜோடி ரஜினிதான் : அபிஷேக் பச்சன்

ரஜினி இன்று உலகமே வியந்து பார்க்கும் ஒரு நடிகர் அதுவும் தமிழ் நடிகர் என்பது பெருமையான விசயம் தான் .உலகில் பேசப்படும் மொழிகளுக்கு எல்லாம் மூத்த மொழி தமிழ்மொழியாக இருந்தாலும் எண்ணிக்கையில் மிக மிக குறைவான மக்கள் பேசும் ஒரு மொழியின் நடிகர் ஆனால் உலகிலேயே ஒரு திரைப்படத்தில் நடித்ததற்காக அதிகமாக (260 கோடி ரூபாய்) ஊதியம் வாங்கும் நடிகராக உயர்ந்து அனைவரும் ஆச்சர்யப்படும் அளவுக்கு உயர்ந்து நிற்கிறார்.

இப்படி புகழின்  உச்சியில் நிற்கும் சூப்பர் ஸ்டார் கொஞ்ச வருடமாக ஐஸ்வர்யாராயுடன் இணைந்து நடிப்பதற்கு பல பகீரத முயற்ச்சிகளை மேற்கொண்டும் பலனளிக்காமல் போனது ஆனால், எந்திரன் படத்தில் ரஜினியின் பல நாள் கனவு நிறைவேறியது . ஏந்திரனில் ரஜினியுடன் இணைந்து ஐஸ்வர்யாராய் நடித்தார் . இப்படை உலகம் முழுவதும் வெளியாகி இன்றுவரை அரங்கு நிறைந்த காட்சிகளாக ஓடிக்கொண்டு இருக்கிறது.

முன்னாள் உலக அழகியும் நடிகையுமான தனது மனைவி ஐஸ்வர்யா ராய்க்கு ஏற்ற திரை ஜோடி ரஜினிதான் என்று அபிஷேக் பச்சன் கூறியுள்ளார். சன் பிக்சர் தயாரிப்பில் சமீபத்தில் வெளிவந்த 'எந்திரன்' படத்தில் ரஜினி - ஐஸ்வர்யா ராய் ஜோடியாக நடித்தனர். சமீபத்தில் ஸ்டார் டிவியில் காஃபி வித் கரண் ( இது தமிழில் விஜய் டிவியில் வரும் காப்பி வித் அனு நிகழ்ச்சி போன்றது.) நிகழ்ச்சியில் அபிஷேக் பச்சனும் - ஐஸ்வர்யா ராயும் பங்கேற்றனர். அபிஷேக் பச்சனிடம், ஐஸ்வர்யாவுக்கு பர்பெக்ட்டான சினிமா ஜோடி யார்? என்று ஒரு கேள்வியை முன்வைத்தார் கரண் ஜோஹர்.

அதற்கு, 'சூப்பர் ஸ்டார் ரஜினிகாந்த்' என்றார் அபிஷேக்! தொடர்ந்து அவர் கூறுகையில், "ஐஸ்வர்யா ராயும் ஹ்ரித்திக்கும் திரையில் அழகான ஜோடிகளாகத் தெரிகின்றனர். ஷாரூக்குடன் ஐஸ்வர்யா நடித்த படங்கள் பாக்ஸ் ஆபீஸில் நல்ல வரவேற்பைப் பெற்றுள்ளன. தொடர்ந்து ஷாரூக்கின் படங்களில் ஐஸ் நடிப்பார். ஆனால் ரஜினி சார்... இவர்களின் ஜோடிப் பொருத்தம் கச்சிதம். நான் எந்திரன் / ரோபோ பார்த்தேன். ரஜினி - ஐஸ் ஒரு அட்டகாசமான ஜோடியாக ஜொலித்தனர்" என்றார். 

ஹ்ரித்திக் - ஐஸ்வர்யா , ஷாருகான் - ஐஸ்வர்யா ஜோடிகளை விட ரஜினி - ஐஸ்வர்யா ஜோடிதான் அட்டகாசமாக இருக்கிறது என்று ஐஸ்வர்யா ராயின் உண்மையான ஜோடியே (கணவரே) கூறி இருப்பது  ரஜினிக்கு வயதாகி விட்டது என்று கூறுபவர்களுக்கு சவுக்கடியாக அமைந்துள்ளது.  அட ஸ்டில் பார்த்தா கூட அப்படித்தான் தோணுதுல்ல... இப்படியே போனா ரஜினி 100 

வயதிலும் 18 கூட டூயட்' ஆடுவார் போல இருக்கே ...

ஹலோ ...ஹலோ....என்னங்க இது வந்தீங்க படிச்சீங்க போறீங்களே ...கொஞ்சம் உங்க கருத்தை சொல்லிட்டு அப்படியே ஒரு ஓட்டையும் போட்டு போங்களேன்