ஒரே கையெழுத்தில் ஒன்றரை லட்சம் அரசு ஊழியர்களை வேலையில் இருந்து நீக்கியவர் ஜெயலலிதா என்பதை மக்கள் மறக்கக் கூடாது என, நடிகரும், இயக்குனருமான பாக்கியராஜ் பேசினார்.

சிவகங்கையில் திமுக கூட்டணியை ஆதரித்து பாக்கியராஜ் பிரச்சாரம் செய்தார். அப்போது பேசிய பாக்கியராஜ்,

டெஸ்மா, எஸ்மா போன்ற சட்டங்களை கொண்டு வந்து, அரசு ஊழியர்களை வதைத்தவர் ஜெயலலிதா. ஒரே கையெழுத்தில் ஒன்றரை லட்சம் அரசு ஊழியர்களை வேலையில் இருந்து நீக்கியவர் ஜெயலலிதா என்பதை மக்கள் மறக்கக் கூடாது

சாலை பணியார்களின் வேலைகளை பறித்தவர் ஜெயலலிதா.

போராட்டத்தில் ஈடுபட்ட அரசு ஊழியர்களை பணிநீக்கம் செய்த ஜெயலலிதா, புதிய வேலை வாய்ப்புகளை உருவாக்குவேன் என தேர்தல் அறிக்கையில் கூறியிருப்பது கேலிக்குரியது.

தேர்தலுக்காக இணைந்திருப்பது அதிமுக கூட்டணி. மக்களுக்காக இணைந்திருப்பது திமுக கூட்டணி என்றார்.