சவூதி அரேபியாவில் நர்ஷ் வேலை ரெடி !

சென்னையில் உள்ள அயல்நாட்டு வேலைவாய்ப்பு நிறுவனத்தின் நிர்வாக இயக்குனர் மகேசன் காசிராஜன் வெளியிட்டுள்ள செய்திக்குறிப்பில் கூறப்பட்டுள்ளதாவது:-  

 

சவூதி அரேபிய அமைச்சகத்தின் சுகாதார மருத்துவமனைகளுக்கு பெருமளவில் தேவைப்படும் பெண் செவிலியர்களுக்கான (நர்சு) நேர்முகத்தேர்வு புதுடெல்லி, கொச்சின் மற்றும் பெங்களூர் ஆகிய இடங்களில் செப்டம்பர் முதல் வாரத்தில் நடைபெற உள்ளது. பி.எஸ்சி. தேர்ச்சியுடன் 4 வருட பணி அனுபவம் மற்றும் எம்.எஸ்சி.

 

தேர்ச்சியுடன் 2 வருட பணி அனுபவம் உள்ள 40 வயதிற்குட்பட்ட பெண் செவிலியர்கள் தகுதியுடையவர் ஆவர். தேர்ந்தெடுக்கப்படுபவர்களுக்கு நிறைவான ஊதியத்துடன், இலவச விமான டிக்கெட், இலவச இருப்பிடம் ஆகியவை வேலையளிப்போரால் வழங்கப்படும். 

 

மேற்குறிப்பிட்ட தகுதி மற்றும் அனுபவத்திற்குட்பட்டவர்கள், தங்களின் சுய விவரங்கள் அடங்கிய தட்டச்சு செய்யப்பட்ட விண்ணப்பத்துடன் கல்வி, அனுபவம், பாஸ்போர்ட் ஆகியவற்றின் நகல்கள் மற்றும் வெள்ளை நிறப் பின்னணியில் எடுக்கப்பட்ட 6 புகைப்படத்துடன் எண்.48, டாக்டர் முத்துலட்சுமி சாலை, அடையாறு, சென்னை என்ற முகவரியில் அமைந்துள்ள தமிழக அரசு நிறுவனமான அயல்நாட்டு வேலைவாய்ப்பு நிறுவனத்திற்கு அலுவலகப் பணி நாட்களில் நேரிலோ அல்லது தபால் மூலமோ உடனடியாக விண்ணப்பிக்குமாறு கேட்டுக்கொள்ளப்படுகிறது.

 

மேலும் விவரங்கள் www.omcmanpower.com என்ற இணையதளத்தினை பார்க்கவும் அல்லது 09381800181 - 044 24464267 - 24464268 என்ற தொலைபேசி எண்களில் தொடர்பு கொள்ளலாம்.

 

இவ்வாறு அதில் கூறப்பட்டுள்ளது.