ஜனாதிபதி நிகழ்ச்சிகளை யூ-டியூப் வழியாக பார்க்கலாம்

ஜனாதிபதியை பிரதமர், மத்திய மந்திரிகள், மாநில முதல்-மந்திரிகள், கவர்னர்கள் அடிக்கடி சந்தித்து பேசுவார்கள். இவை தவிர வெளிநாட்டு தூதர்களும் ஜனாதிபதியை சந்தித்து பேசுவார்கள்.

மேலும் பல்வேறு விழாக்களும் ஜனாதிபதி மாளிகையில் நடத்தப்படுவது உண்டு. ஜனாதிபதி மாளிகையில் நடைபெறும் விழாக்கள், சந்திப்புகள் எதுவும் யாருக்கும் தெரியாது. இது தொடர்பான புகைப்படங்கள் மட்டுமே எப்போதாவது பத்திரிகைகளில் வெளியாகுவது உண்டு. 

இந்த குறையை நிவர்த்தி செய்யவும், ஜனாதிபதி மாளிகையில் நடக்கும் விழாக்கள், சந்திப்புக்களை இளைய தலைமுறையினர் தெரிந்து கொள்ளவும் அவற்றை யூ-டியூப் இணையத்தளத்தில் வெளியிட முடிவு செய்துள்ளனர். ஜனாதிபதி பற்றியும், ஜனாதிபதி மாளிகை நிகழ்ச்சிகள் பற்றியும் இளைஞர்கள் முழுமையாக தெரிந்து கொள்ள இது உதவும் என்று எதிர்பார்க்கப்படுகிறது. 

அருணாசல பிரதேச முதல்-மந்திரி நபம் துகி நேற்று ஜனாதிபதி பிரணாப் முகர்ஜியை சந்தித்து பேசினார். அந்த காட்சிகள் யூ-டியூப் இணையத்தளத்தில் வெளியிடப்பட்டுள்ளது.