என்னை அறிந்தால்.... ரசிகர்களே நடத்தும் இசை வெளியீடு!

'தயாரிப்பாளர் விழா நடத்தாவிட்டால் என்ன... எங்க தலயோட படத்தின் இசை வெளியீட்டை நாங்களே விழா எடுத்து கொண்டாடிக் கொள்கிறோம்' என்று களத்தில் குதித்துள்ளனர் அஜீத் ரசிகர்கள். 

என்னை அறிந்தால் படத்தின் இசை வெளியீடு வரும் டிசம்பர் 31-ம் தேதி நள்ளிரவு வெளியாகிறது. 

இதற்காக விழா எதுவும் நடத்தப்போவதில்லை. இப்படிப்பட்ட விழாக்களை அஜீத்தும் ஆதரிப்பதில்லை. எனவே ஒரு சின்ன அறிவிப்போடு 31-ம் தேதி நள்ளிரவு 12 மணிக்கு என்னை அறிந்தால் பாடல்கள் வெளியாகின்றன. 

ட்ரைலரையும் அன்றே வெளியிடவிருக்கிறார்கள். ஆனால் அஜீத்தின் ரசிகர்களோ, ஜனவரி 1-ம் தேதி இந்தப் படத்தின் இசை வெளியீட்டு விழாவை நடத்தப் போகிறார்களாம். 

இதற்காக அவர்கள் தேர்வு செய்துள்ள இடம் அண்ணா சாலையை ஒட்டியுள்ள ரிச்சி தெரு (ரேடியோ மார்க்கெட்). இந்த விழாவில் கலந்து கொள்ள தமிழகம் முழுவதிலிமிருந்து ரசிகர்களைத் திரட்டிவருகிறார்கள்.