விழியே பேசு...: நடிகர் ரஜினிகாந்த் ஓட்டு போட்டது குறித்து தங்கபாலு பதில்!

சென்னை சத்தியமூர்த்தி பவனில் தமிழக காங்கிரஸ் தலைவர் தங்கபாலு செய்தியாளர்களை சந்தித்தார். அப்போது செய்தியாளர்களின் கேள்விகளுக்கு அவர் பதில் அளித்தார்.

கேள்வி: உங்கள் மனைவிக்கு ஓட்டு இல்லாதது பற்றி?

பதில்: எனது மனைவியின் பெயர் வாக்காளர் பட்டியலில் இல்லாததற்கு சிலரின் சதி வேலை தான் காரணம். இந்த சதியின் பின்னணியில் இருந்தவர்கள் மீது தேர்தல் கமிஷன் நடவடிக்கை எடுக்க வேண்டும்.

கேள்வி: கட்சியில் இருந்து நீக்கப்பட்டவர்கள் மத்திய அமைச்சர் ப.சிதம்பரத்துடன் வருகிறார்களே?

பதில்: இப்போது இதற்கு பதில் சொல்ல முடியாது, கட்சியில் இருந்து நீக்கப்பட்டவர்கள் சத்திய மூர்த்தி பவனுக்குள் நுழைய அனுமதிக்க மாட்டோம். கட்சிக்கு விரோதமானவர்கள் மீது தமிழக காங்கிரஸ் நடவடிக்கை எடுத்துள்ளது. அவர்களுடன் யாரும் தொடர்பு கொள்ளக் கூடாது.

கேள்வி: நடிகர் ரஜினிகாந்த் இரட்டை இலைக்கு ஓட்டு போட்டதாக கூறப்படுகிறதே?

பதில்: அவர் யாருக்கு ஓட்டு போட்டார் என்பது உங்களுக்கு எப்படி தெரியும். கருத்துக்களை வெளிப்படுத்த அவருக்கு உரிமை உண்டு.

கேள்வி: தேர்தல் ஆணையத்தின் செயல்பாட்டை வாக்காளர்கள் வரவேற்று உள்ளார்களே?

பதில்: தேர்தல் ஆணையம் தன்னிச்சையாக செயல்பட வேண்டும் என்று காங்கிரஸ் கட்சிதான் அறிவுறுத்தியது என்றார்.

இன்றைய செய்திகள்...