விழியே பேசு...: தாத்தா வழியில் அரசியலில் நுழைந்த 'குத்து’ ரம்யா

நடிகை குத்து ரம்யா நேற்று கர்நாடக மாநில இளைஞர் காங்கிரஸில் சேர்ந்துள்ளார்.

சிம்புவுடன் குத்து படத்தில் நடித்து புகழ் பெற்றதால் நடிகை ரம்யா குத்து ரம்யா என்றே அழைக்கப்படுகிறார். பொல்லாதவன், வாரணம் ஆயிரம் போன்ற வெற்றிப்படங்களில் நடித்த அவர் தற்போது ஆர்யா தம்பி சத்யாவுடன் நடித்துள்ளார்.

அன்மையில் கன்னட திரையுலகில் சர்ச்சைகளில் சிக்கி ஒரு வழியாக வெளியே வந்துள்ள அவர் தற்போது இளைஞர் காங்கிரஸில் சேர்ந்துள்ளார்.

இது குறி்த்து அவர் கூறியதாவது,

இளம் அரசியல் தலைவர் என்று சொன்னவுடன் நம் நினைவுக்கு வருவது ராகுல் காந்தி தான். அவர் எதிர்கால நம்பிக்கை நட்சத்திரமாக உள்ளார். அதனால் தான் இளைஞர் காங்கிரஸில் இணைந்துள்ளேன்.

நான் ஒன்று திட்டமிட்டெல்லாம் அரசியலுக்கு வரவில்லை. 78 வயதாகும் அன்னா ஹசாரே ஊழலுக்கு எதிராக போராடும்போது இளைஞர்களாகிய நாமும் செயலில் இறங்கவேண்டும் என்று தோன்றியது. அதற்கு சிறந்த வழி அரசியல் தான் என்றார்.

இவருக்கு தாத்தா முறையான எஸ்.எம்.கிருஷ்ணா கர்நாடக மாநில மூத்த காங்கிரஸ் தலைவர் என்பதும், அம்மாநில முதல்வராக இருந்த அவர் இப்போது மத்திய வெளியுறவுத்துறை அமைச்சராக இருப்பதும் குறிப்பிடத்தக்கது.

இன்றைய செய்திகள்...