விழியே பேசு...: உதயநிதி ஸ்டாலினின் விழாவை ரஜினி புறக்கணித்தார் : விழா ரத்து

தெலுங்கில் பெரும் வெற்றி பெற்ற மஹதீரா படத்தை தமிழில் மாவீரன் என்ற பெயரில் டப்பிங் செய்து வெளியிடப் போகிறார்கள். இந்த பணியை ஏற்றுக் கொண்டிருக்கிறார் உதயநிதி ஸ்டாலின்.

இன்று சென்னையில் இந்த படத்தின் பாடல் வெளியீட்டு விழாவை வெகு விமரிசையாக நடத்த முடிவு செய்திருந்தார்கள். சிரஞ்சீவி, அல்லு அர்ஜுன், ராம்சரண் தேஜா போன்ற தெலுங்கு ஸ்டார்களும் இவ்விழாவில் கலந்து கொள்ள இருந்தார்கள். பாடலின் முதல் பிரதியை சிரஞ்சீவி வெளியிட, சூப்பர் ஸ்டார் ரஜினி பெற்றுக் கொள்வதாக இருந்தது. ஆனால் கடைசி நேரத்தில் எல்லாம் கொலாப்ஸ்... யாரால்?

திடீரென்று இன்று நடைபெறும் நிகழ்ச்சியில் கலந்து கொள்ள இயலாது என்று கூறிவிட்டாராம் ரஜினி. காரணம், தேர்தல் நேரத்தில் அவர் ஓட்டு போட்டது தொடர்பாக எழுந்த சர்ச்சைகள்தானாம். அந்த வாக்கு சாவடியில் மறு தேர்தல் வைக்கலாமா என்றெல்லாம் தேர்தல் ஆணையம் விவாதித்துக் கொண்டிருக்கிறது. திமுக வுக்கு வாக்களிக்கவில்லை என்ற ரகசியம் வெளிப்பட்டு விட்டதே என்ற கூச்சமும் இருக்கிறதாம் ரஜினிக்கு. இந்த நேரத்தில் இந்த விழாவுக்கு வந்தால், மீடியாக்களின் கேள்விகளை எதிர்கொள்ள வேண்டுமே என்பதால்தான் இந்த விழாவையே அவர் தவிர்த்தார் என்கிறார்கள்.

வழக்கம்போலவே எந்த மீடியாவுக்கும் பதில் சொல்லாமல் விறுவிறுவென்று கிளம்பிவிட்டால் போச்சு! எதற்காக விழாவை தவிர்க்க வேண்டும்?

இன்றைய செய்திகள்...