விழியே பேசு...: தேர்தல் வன்முறை :10 கிராம ஆண்கள் தலைமறைவு :கரூர் அருகே பதற்றம்

பரமத்திவேலூரில் தேர்தலை ஒட்டி நடந்த வன்முறை காரணமாக போலீசாரின் நடவடிக்கைக்கு பயந்து 10 கிராமங்களில் ஆண்கள் தலை மறைவாகிவிட்டனர்.

2வது நாளாக அவர்கள் தலைமறைவாக உள்ளனர். இதனால் அப்பகு தியில் தொடர்ந்து பதற்றமான சூழ்நிலை நிலவுகிறது.

நாமக்கல் மாவட்டம் பரமத்திவேலூரை அருகே குப்புச்சிபாளையம் வாக்குசா வடியில் கடந்த 13ம் தேதி நடைபெற்ற தேர்தலின் போது கொங்கு இளைஞர் பேரவை, பாமகவினர் இடையே ஏற்பட்ட தகராறு கோஷ்டி மோதலாக மாறியது. இரு தரப்பினரும் வன் முறையில் ஈடுபட்டனர்.

கடைகள் அடித்து நொறுக்கப்பட்டன. அரசு பஸ்கள் சேதப்ப டுத்தப்பட்டன. சாலை மறியல் போராட்டமும் பல மணி நேரம் நடைபெற்றது.

இது தொடர்பாக போலீசார் இரு தரப்பினர் மீதும் வழக்கு பதிவு செய்தனர். இதுவரை 70 பேர் வரை கைது செய்யப்பட்டுள்ளனர்.

நாமக்கல் எஸ்.பி. பிரவேஸ்குமார் தொடர்ந்து பரமத்தி வேலூர் பகுதியில் முகாமிட்டு வன்முறையில் ஈடுபட்ட நபர்களை கைது செய்து வருகிறார்.

இந்நிலையில் வன்முறையின் போது எடுக்கப்பட்ட வீடியோ பதிவு காட்சியில் இடம் பெற்றுள்ள நபர்களை அடையா ளம் கண்டு போலீசார் தொடர் ந்து தேடி வருகின்றனர். அதே சமயம் குப்புச்சிபாளையம், வெள்ளாளபாளையம், படமுடி பாளையம், கோப்பணம் பாளையம், வெங்கரை, ஊஞ்சப்பாளையம், பாமகவுண் டம் பாளையம், பெரிய சோளிபாளை யம் உள்ளிட்ட 10க்கும் மேற்பட்ட கிராமங்களில் போலீசார் கடந்த 2 நாட்களாக இரவு நேரங்களில் மாறுவேட த்தில் வீடு, வீடாக சென்று தேடுதல் வேட்டை நடத்தி வருகின்றனர். இதனால் அங்குள்ள கிராமங்களில் வசிக்கும் பெரும்பாலான ஆண்கள் போலீசாரின் நடவடிக்கைக்கு பயந்து தலைமறைவாகிவிட்டனர்.

நேற்று பல்வேறு கிராமங் களை சேர்ந்த 200க்கும் மேற்பட்ட பெண்கள் நாமக்கல் கலெக்டரிடம் நேற்று மனு கொடுத்தனர்.

இன்றைய செய்திகள்